BIOGRAFIA

Marc Serenak (1983) «Tchindas» (2015) film luze dokumentalarekin debutatu zuen. Dokumentala Cabo Verden filmatu zen, eta, besteak beste, Los Angelesko Outfest jaialdian saritu zuten, Afrikako Zinema Akademiaren (Nigeria) AMAA sarietan finalista izan zen, eta Estatu Batuetako PBS kateak eman zuen. Duela gutxiago, «El escritor de un país sin librerías» (2019) zuzendu zuen, Ekuatore Ginearen eta kolonialismo espainiarrak Afrikan eragindako inpaktuaren argazki bat.

Filmak Europako ikerketa-kazetaritza onenari ematen zaion DIG saria jaso zuen, eta RTP kateak (Portugal) eman zuen.

Afrikaldiak ingurumenari buruz egin dituen film laburren sorta proiektatu zuen 2023an, zeina Akkrako Black Star zinema-jaialdian (Ghana) eta Lagosko animaziozko zinemaren nazioarteko jaialdian (Nigeria) estreinatu baitzen.

«¡Esto no es africano!» (2014) liburua idatzi zuen, LGTBQ+ komunitateak kontinentean daukan egoeraz hitz egiteko. «Doble epidemia» webdoc-a zuzendu du El País eta Ara egunkarietarako, Afrikako zazpi herrialdetako osasun globaleko adituekin batera. 2020an, egindako ibilbidea saritu zioten Alexandriako Mediterraneo zinema-jaialdian (Egipto).
AFRIKALDIAN, bere lehenengo fikzioa estreinatuko du, «Las Aventuras de Angosat» film ertaina, Luandako kaleetan (Angola) sekuentzia-planoan filmatua. Filma, halaber, world music Womex azokan estreinatuko dute, urrian (aurtengo edizioa Finlandian izango da).